The Orange Bicycle eran Robb Scales na parte vocal que compartía co teclista Wilson Malone ademáis de Kevin Curry á batería e Bernie Lee na guitarra. Basicamente uns apaixoados das harmonías con infuencias de pop californiano via Beach Boys e con certo toque de sico pop británico de época. Non tiveron demasiada repercusión no Reino Unido pero curiosamente o seu primeiro sinxelo “Hyacinth Threads” foi éxito en Francia. Esta compilación, " Let's Take A Trip On... " editado por un reactivado Morgan Blue Town en 1988 recolle catro dos seus cinco sinxelos editados por Columbia, pero non está o terceiro "Early Pearly Morning/Go With Goldie" que supoño terá o noso veciño Sebastián Paredes así que agardaremos a que se decida a compartilo. Das oito cancións restantes non teño información sobre a súa procedencia pois o disco non trae datos de nengún tipo, dúas delas son adaptación convincentes de Leonard Cohen "So Long Marrianne" e dos Byrds "Rennaissance Fair". Como diciamos nun post anterior en 1970 chegaron a editar un elepé producido por John Peel pero nun estilo ben distinto.
Ningún comentario:
Publicar un comentario