BEN VAUGHN Blows Your Mind (LP, DRO, 1988)

Parece que a ligazón deste disco xa non funcionaba así que aquí está a reposición que Ben ben o merece. Ao final pódese ver que non é tan díficil escribir unha nota para pedir algo como fixo o noso anónimo interlocutor.

Despois do bo sabor de boca que nos deixou a actuación de Ben Vaughn no pasado Xiriapop está ben recuperar o que quizais sexa o seu mellor disco, ou non, pero é un gran disco este "Blows your mind", editado no 89. Trátase do terceiro do noso heroe e o primeiro sen o Ben Vaugn Combo que o acompañara anteriormente. O traballo precede ao máis exitoso "Dressed in black" (90) nun momento no que Vaughn semellaba que ía casi para un exitoso Jonathan Richman dos 90. En parte non o foi porque non quixo, discos como este son un tratado de calidez, diversión e proximidade. Escoitar pezas tan arrebatadoras como Daddy's Gone for Good , She's Your Problem Now, Carved in Stone e divertidas como Darlene, Tantalize ou Hey Man Hey, por non citalas todas, reconfórtano a un coa cerna do pop clásico de toda a vida. A inencontrable edición en cedé sei que trae tres temas extras, pero esta que poñemos hoxe é a de vinilo.

by mail...