LOS ELEGANTES Soy Tremendo! (MX, Zafiro, 1985)

Non hai moito tempo o noso colaborador Nico Estrume nunha conversa tabernaria opinaba sobre os Elegantes dos que dicía: "eran sota, cabalo e rei pero tiñan algunhas cancións que non estaban nada mal", aí queda. O maxi single que traemos hoxe está composto por temas do seu segundo disco "Paso a Paso" pero con diferenzas con respecto aos temas orixinais do elepé. Ademáis da adaptación cara as pistas de baile de "Soy Tremendo" cuns arranxos horrorosos, están a versión instrumental de "Louie, Louie" e o primeiro intento de "Dispararé". O último tema, "Ven y salta", non cambia. Como bonus vai "Soy Tremendo" tal como aparecía no elepé.

Link by mail dezaoitorodas@gmail.com

THE KEY The Golden Age (LP, Unicorn, 1987)

The Key, aos que faciamos mención nun comentario anterior, foron unha banda que traballou na zona de Los Angeles entre 1985-1988 e que nese tempo deixaron un Ep e este Lp editado polo selo británico Unicorn especializado en bandas que se movían preto do movemento mod. A cabeza pensante do grupo era Shane Ries que en anos posteriores tivo una carreira de máis éxito. En canto a "The Golden Age" é o típico disco de grupo de xénero, musicalmente cheo de tópicos con algunha canción agradecida. Para amantes do revivalismo mod e sobre todo dos Jam.