PENTECOSTÉS VIBRATIONS Spanish Xian Garage Psych & Beyond 1969-1979 (Hundergrum Records, 2009)

Durante o verán coincido co cura de Barallobre mentras tomo o café no Mesón O Campo e normalmente non utilizo o meu anticlericalismo para entablar unha coversa senón que recurro ao mundo do futebol, el é un apaixoado seguidor do Celta e eu do Deportivo aínda que os dous coincidimos na mesma idea sobre os coruñeses capitalinos. Todo isto ven a conta porque Elías, así se chama o noso párroco, tivo tamén, como non, os seus filtreos musicais co selo Pax, de feito o grupo folkroqueiro que tocaba na nosa igrexa nos primeiros setenta, Os Segreles, chegaron a gravar un Ep para o selo eclesiástico, se tedes moito interés nel podédelo escoitar aquí. Esta nova edición de Hundergrum Records responsable ata a data de tres volumes da serie Andergound Vibrations está tamén detrás deste novo artiluxio que segue a escarvar no pasado friki tras hispano desta volta con grupos que desenvolven a súa paixón por Cristo, Jesús e María Santísima, o resultado en liñas xerais é francamente tan aterrador como a doctrina que predican, aínda que se te esqueces das letras ao mellor incluso ves algo. O máis interesante está nas pezas que xa coñecía, a dos Cirros do ex-ministro de xustiza Mariano Bermejo e a dos Amis co ex-poli mili Pertur, do resto non están mal "La gloria de Dios" de Proa, e "Mundo de Hoy" dos Bremen´s, a que máis me gustou con diferencia, o resto non pasan da curiosidade para completistas tan tras coma eu. Afondar está ben pero últimamente estos produtos están un pouco estirados de máis. Paz irmáns e viva o estado laico.

Non andes á procura da ligazón para a descarga porque non hai, quizáis dentro dun tempo, de momento podes mercalo en Guerssen por exemplo, antes de que se esgote.